اسرائیل کی ایک فوجی عدالت نے زیرحراست ایک فلسطینی شہری حمزہ العامودی کو 12 ماہ قید اور 8 ہزار شیکل جرمانہ کی سزا کا حکم دیا ہے۔
مرکزاطلاعات فلسطین کے مطابق العامودی کا تعلق مقبوضہ مغربی کنارے کے شمالی شہرنابلس سے ہے۔ انہیں صہیونی پولیس نے دو ماہ قبل رفیدیا کالونی سے حراست میں لیا تھا۔
العامودی ماضی میں بھی متعدد مرتبہ فلسطینی اتھارٹی اور اسرائیل جیلوں میں قید رہ چکے ہیں۔ حال ہی میں اسرائیلی پراسیکیوٹر نے ان کے خلاف پیش کردہ فرد جرم میں الزام عاید کیا تھا وہ اسرائیل کے خلاف سرگرمیوں میں ملوث ہیں۔
