اسرائیلی ذرائع کے مطابق فرانس سے 82 یہودیوں کو اسرائیل میں آباد کرنے کے لیے ایک ہوائی جہاز کے ذریعے تل ابیب منتقل کر دیا گیا ہے۔ نئے لائے گئے یہودیوں میں 40 بچے بھی شامل ہیں۔
عبرانی اخبار’معاریف‘ کی رپورٹ کے مطابق منگل کے روز فرانس سے 82 یہودیوں کو لے کرآنے والے طیارے نے اسرائیل کے بن گوریون ہوائی اڈے پر لینڈ کیا۔
اخباری رپورٹ میں بتایا گیا ہے کہ فرانس سے یہودیوں کی فلسطین منتقلی کے عمل میں ’فرینڈ شپ فنڈ‘ نامی ایک یہودی تنظیم کا ہاتھ ہے جو فرانس سمیت دوسرے ملکوں سے یہودیوں کو مقبوضہ فلسطینی علاقوں میں لا کر آباد کرنے کی مہم چلا رہی ہے۔
اخباری رپورٹ میں بتایا گیاہے کہ فرینڈ شپ فنڈ کی جانب سے 2000 یہودیوں کو 13 ملکوں سے اسرائیل لانے کا اعلان کیا ہے۔ یہ یہودی رواں موسم گرما کے اختتام تک اسرائیل پہنچا دیے جائیں گے۔
