اسرائیلی فوج کی جانب سے فلسطین کے ساحلی علاقے غزہ کی پٹی میں دراندازی اور مقامی فلسطینیوں کی اراضی کی کھدائی کا سلسلہ جاری ہے۔ گذشتہ روز جنوبی غزہ کے شہر رفح کے مشرق سے اسرائیلی فوجی کئی میٹراندر داخل ہوئے اور فلسطینی شہریوں کی اراضی میں کھدائی کی گئی۔
مقامی فلسطینی ذرائع نے مرکزاطلاعات فلسطین کو بتایا کہ اسرائیلی فوج کے D9 ماڈل کے بلڈزر رفح کے مشرقی قصبے صوفا سے 70 میٹر حفاظتی باڑ سے اندر آئے اور فلسطینی کاشت کاروں کی زرعی اراضی میں کھدائی کی۔
قابض فوج کی زمینی دراندازی کے دوران اسرائیلی فوج کے جنگی طیاروں نے بھی مسلسل پروازیں جاری رکھیں۔
