اسرائیل کی جیل میں قید ایک فلسطینی شہری نے بلا جواز انتظامی حراست کے خلاف بھوک ہڑتال شروع کی ہے۔ مقبوضہ مغربی کنارے کے شمالی شہر نابلس کے بورین قصبے سے تعلق رکھنے والے اسیر المنتصر باللہ محمود عید نے 18 مئی کو بھوک ہڑتال شروع کی تھی جسے اب ایک ہفتہ ہونے والا ہے۔
مرکزاطلاعات فلسطین کے مطابق کلب برائے اسیران کی جانب سے جاری کردہ ایک بیان میں کہا گیا ہے کہ اسیر عید نے 18 مئی کو جزیرہ نما النقب کی جیل میں قید تنہائی کی حالت میں بھوک ہڑتال شروع کی ہے۔
خیال رہے کہ المنتصر باللہ عید 20 اکتوبر 2015ء کے بعد سے اسرائیلی جیل میں پابند سلاسل ہیں۔ انہیں چھ ماہ کے لیے انتظامی حراست کی سزا دی گئی۔ چھ ماہ مکمل ہونے کے بعد انہیں مزید چھ ماہ کے لیے پابند سلاسل کیا گیا تو انہوں نے انتظامی حراست کی ظالمانہ سزا کے خلاف بھوک ہڑتال شروع کر دی۔
