اسرائیل کی ایک فوج داری عدالت نے زیرحراست فلسطینی دوشیزہ کو 45 دن قید اور تین ہزار شیکل جرمانہ کی سزا کا حکم دیا ہے۔
مرکزاطلاعات فلسطین کے مطابق فلسطینی محکمہ امور اسیران کے مندوب جمیل سعادہ نے بتایا ہے کہ کل سوموار کو اسرائیل کی ’’عوفر‘‘ نامی عدالت نے 22 سالہ فلسطینی دو شیزہ مجد یوسف عطوان کو ڈیڑھ ماہ قید اور تین ہزار شیکل جرمانہ کی سزا کا حکم دیا۔
خیال رہے کہ اسیرہ عطوان کا تعلق مقبوضہ مغربی کنارے کے شہر بیت لحم کے الخضر قصبے سے ہے۔ اس پر سماجی رابطے کی ویب سائیٹ’’فیس بک‘‘ پرصہیونی ریاست کے خلاف اشتعال پھیلانے اور اشتعال انگیز مواد پوسٹ کرنے کا الزام عاید کیا ہے۔
