اسرائیل کی ایک فوجی عدالت نے زیرحراست فلسطینی صحافی محمد نمر عصیدہ کو 18 ماہ قید با مشقت کی سزا کا حکم دیا ہے۔ اسیر صحافی کا تعلق مغربی کنارے کے شمالی شہر نابلس کے مغربی قصبے تل سے بتایا جاتا ہے۔
مرکزاطلاعات فلسطین کے مطابق اسیر صحافی نمر عصیدہ کے بھائی احمد عصیدہ نے میڈیا کو بتایا کہ منگل کے روز علی الصباح اسرائیل کی سالم نامی فوجی عدالت نے اس کے بھائی کو ڈیڑھ سال قید کی سزا کا حکم دیا۔
احمد نے بتایا کہ محمد نمر عصیدہ کو اسرائیلی فوج نے 15 اکتوبر 2015ء کو حراست میں لیا تھا اور اسے چھ ماہ تک انتظامی حراست میں رکھا گیا۔
خیال رہے کہ نمر عصیدہ کو ماضی میں بھی اسرائیلی فوج گرفتار کرکے جیلوں میں قید کرتی رہی ہے۔ وہ اب تک چار سال سے زاید عرصہ اسرائیلی قید خانوں میں قید کاٹ چکے ہیِں۔
اس وقت اسرائیل کی جیلوں میں 18 صحافی پابند سلاسل ہیں۔ ان میں سے بیشتر کو انتظامی حراست کی سزائیں دی گئی ہیں۔
