دس سال میں 377 فلسطینیوں کو اسرائیلی عدالتوں کی عمر قید کی سزائیں

رپورٹ میں کہا گیا ہے کہ اسرائیلی عدالتوں کی جانب سے فلسطینی قیدیوں کو دی جانے والی سزائیں ظالمانہ اور یک طرفہ سماعت کے دوران دی گئی ہیں۔ قیدیوں کو کیسز کی سماعت کے دوران اپنا وکیل کرنے یا موقف بیان کرنے کا موقع تک نہیں دیا گیا۔

 بیشتر سزائیں قیدیوں کے اعترافات کے بجائے دوسرے لوگوں کے بیانات اور دعوؤں پر سنائی گئیں جس سے سزاؤں کے غیر قانونی ہونے کا تاثر یقینی ہو جاتا ہے۔

رپورٹ میں مزید کہا گیا ہے کہ اسرائیل کے ہاں قیدیوں کی سزاؤں کے متعلق قوانین قیدیوں کے بارے میں عالمی قوانین کے خلاف ہیں، کیونکہ عالمی قوانین کی رو سے کسی قیدی کو25 سال تک عمر قید کی سزا دی جا سکتی ہے جبکہ اسرائیلی قوانین کے تحت عمر قید کے سزایافتہ افراد کو عمر بھر جیل ہی میں رہنا پڑتا ہے اوریہ سزا ان کی وفات تک برقرار رہتی ہے، جو ایک ظالمانہ قانون ہے اور عالمی انسانی حقوق کے متصادم اقدام ہے۔

رپورٹ کے مطابق مغربی کنارے کے شہر نابلس اور الخلیل عمر قید کے سزایافتہ قیدیوں کی تعداد سب سے زیادہ ہے، ان دونوں شہروں کے 128 قیدیوں کو عمر قید کی سزائیں سنائٓی گئی ہیں جبکہ دوسرے نمبر پر رام اللہ 59 قیدیوںکو عمر قید کی سزائیں دی گئی ہیں۔ اس کےعلاوہ جنی کے 48 شہری اور بیت لحم کے 43 شہریوں کو عمر قید کی سزائیں دی گئیں۔