اسرائیل کے متوقع وزیراعظم بنیامین نیتن یاھو نے غزہ کی تعمیر نوسے متعلق شدید تحفظات کا اظہار کرتے ہوئے کہا ہے کہ اسرائیلی علاقوں پر مزاحمت کاروں کے راکٹ حملے روکے جانے تک غزہ کی تعمیر میں تعاون نہیں کیا جا سکتا۔
اسرائیل کے انگریزی روزنامے”یروشلم پوسٹ” کی رپورٹ کے مطابق انتہا پسند یہودی تنظیم”لیکوڈ” کے سربراہ نے حال ہی میں یورپ کے اعلیٰ سطح کے وفود سے ملاقات میں غزہ کی تعمیر سے متعلق اپنے تحفظات کا اظہار کیا اورانہیں بتایا کہ جب تک غزہ سے راکٹ حملے روکے نہیں جاتے اسرائیل کی جانب سے غزہ کی تعمیر میں مدد نہیں دی جا سکتی۔ انہوں نے کہا کہ فلسطینیوں کے خوشی کے لیے اسرائیل کو غیر محفوظ نہیں کیا جا سکتا۔
دوسری جانب نیتن یاھو کے قریبی ذرائع نے بتایا ہے کہ غزہ سے راکٹ حملوں کے تسلسل کے دوران بین الاقوامی امداد غزہ منتقل نہیں کی جا سکتی۔
