اسرائیل کے مستعفی وزیراعظم ایہود اولمرٹ نے اس یقین کا اظہار کیا ہے کہ ان کے ملک کے امریکا کی ساتھ تعلقات مزید مضبوط ہوں گے۔
وزیر اعظم کے دفتر سے جاری ہونے والے ایک بیان میں ایہود اولمرٹ نے سابق امریکی صدر جارج بش کے دور میں دونوں ممالک کے درمیان خصوصی تعلقات پر ان کا شکریہ ادا کیا۔
انہوں نے کہا کہ امریکا کی تمام جماعتیں اسرائیل کی حقیقی دوست ہیں۔ ہم نے ان پرطویل عرصے تک اعتماد کیا ہے اور اعتماد کا یہ سلسلہ جارج بش کے دور اقتدار میں بہت زیادہ بڑھا ہے۔
انہوں نےامید ظاہر کی کہ امریکا کےاسرائیل کے ساتھ تعلقات آنے والے دنوں میں مزید مضبوط ہوں گے۔ انہوں نے دعوی کیا کہ آزادی، جمہوریت اور بھائی چارہ امریکی و اسرائیلی معاشرے کی بینادی اساس ہیں۔
