روس نے اسرائیل سے جاسوس طیاروں کی خریداری کے لیے مذاکرات شروع کر دیے

روس اور اسرائیل کے درمیان جاسوس طیاروں کی خریداری سے متعلق اعلی سطح کے مذاکرات کا آغاز ہو گیا ہے-روسی اخبار ’’ذی کومر سنٹ‘‘ کے مطابق ماسکو اور تل ابیب کے درمیان بغیر پائلٹ کے جاسو طیاروں کے ماسکو کو فروخت کرنے کے حوالے سے مذاکرات جاری ہیں-
 
اسی طرز کے طیارے حالیہ روس اور جارجیا کے درمیان ہونے والی جنگ میں جارجیا نے استعمال کیے، جس پر روس نے بھی ان طیاروں کے حصول کی کوششیں شروع کردیں- اخبار کی رپورٹ کے مطابق دونوں ممالک میں طیاروں کی خرید و فروخت کا معاہدہ جلد طے پا جائے گا-

معاہدے پر آنے والی لاگت کے حتمی اعدادو شمار جاری نہیں کیے گئے تاہم خیال کیا گیا ہے کہ یہ معاہدہ دس سے بارہ ملین ڈالر کی رقم تک ہو گا – اس ضمن میں روس نے معاہدے کو خفیہ رکھنے کی کوشش کی ، کیونکہ اسے اس طرح کے معاہدوں میں امریکہ کی مخالفت کا سامنا ہے-