زیپی لیونی کے بیان سے عرب رہنماؤں کی آنکھیں کھل جانی چاہئیں

اردن کی سب سے بڑی اسلامی پارٹی اسلامک ایکشن فرنٹ نے فلسطینیوں کو مقبوضہ فلسطین سے نکالنے کے متعلق اسرائیلی وزیر خارجہ زیپی لیونی کے بیان کو خطرے کی گھنٹی قرار دیا ہے-
 
اسلامک ایکشن فرنٹ اردن کے ترجمان رحیل غرابیہ نے کہاہے کہ زیپی لیونی کا بیان ان عرب اور فلسطینی رہنماؤں کے منہ پر طمانچہ ہے جو نسل پرست ریاست اسرائیل سے قیام امن کی بھیک مانگتے ہیں- صہیونی دنیا کے کسی قانون کو نہیں مانتے-

قیام امن کا واحد راستہ مزاحمت ہے- مسلمان حکمرانوں کو مزاحمتی تحریکوں کی حمایت و مدد کرنی چاہیے- واضح رہے کہ اسرائیلی وزیر خارجہ اور متوقع وزیراعظم زیپی لیونی نے تل ابیب میں ایک ہائی اسکول کے طلبہ سے خطاب میں کہاتھاکہ وہ تمام فلسطینی جو1948ء کے اسرائیلی علاقوں میں رہتے ہیں وہ تمام یہاں سے نکل جائیں- اسرائیلی ریاست میں فلسطینیوں کے لئے کوئی گنجائش نہیں ہے-