امریکہ میں سعودی عرب کے سابق سفیر شہزادہ ترکی الفیصل نے کہا کہ امریکہ کومشرق وسطی سے متعلق بعض امور پر دوہرا معیار ترک کرنا ہو گا-
ذرائع ابلاغ کی رپورٹوں کے مطابق امریکہ عرب تعلقات کے بارے میں امریکی نیشنل کونسل کے زیر اہتمام تقریب سے خطاب کرتے ہوئے شہزادہ ترکی الفیصل نے کہا کہ امریکہ کو مشرق وسطی سے متعلق بعض امور پردوہرا موقف ترک کرنا ہو گا اور اس سلسلے میں امریکہ کو اپنی پالیسیوں میں تبدیلی لانا ہو گی-
انہوں نے سعودی عرب کے خلاف سابق امریکی وزیر خارجہ کے ریمارکس کی مذمت کی اور کہا کہ اس طرح کا لب و لہجہ کسی طرح بھی درست قرار نہیں دیا جا سکتا وہ بھی اس صورت میں جب کوئی ایسی شخصیت ایسا رویہ اختیار کرے-
