روس نے شمال مشرق بعید میں چین کو 67 مربع میل پر مشتمل جزیرہ واپس کر دیا۔ جزیرے کی واپسی سے دونوں ممالک کے مابین کئی دہائیوں سے جاری سرحدی تنازعہ ختم ہو گیا۔ اس سلسلہ میں سرحدی علاقہ میں جزیرہ کا کنٹرول چین کے حوالہ کرنے سے متعلق ایک خصوصی تقریب کا اہتمام کیا گیا۔
تقریب میں سفارتی نمائندوں، فوج و پولیس سمیت دونوں ممالک کے اعلی حکام نے شرکت کی۔ روس اور چین کے مابین 4300 کلومیٹر طویل سرحد روسی اور چینی بادشاہوں کے زمانے سے ہمیشہ تنازعہ کا سبب رہی ہے۔
متنازعہ جزیرے کی ملکیت چین کے حوالہ کرتے ہوئے روسی بارڈر گارڈز نے علاق خالی کر دیا جبکہ چینی سکیورٹی اہلکاروں نے وہاں سرحدی حد بندی کیلئے نشانات لگا دیئے۔
