صدر بش کی رخصتی سے قبل امن کی آخری کوشش

امریکی صدر جارج ڈبلیو بش اپنی مدت حکومت کے خاتمے سے قبل فلسطین اور اسرائیل کے درمیان کسی مفاہمتی فارمولے کو حتمی شکل دینے کی کوشش کررہے ہیں-
 
اسرائیلی فوجی ریڈیو کی انٹرنیٹ پر شائع رپورٹ میں مصری ترجمان سلمان عواد کے حوالے سے کہا گیا ہے کہ صدر بش مصر میں عالمی راہنمائوں کی اہم ملاقات کے خواہاں ہیں جس میں رام اللہ اور تل ابیب کے درمیان مصالحت کی آخری کوشش اور امن معاہدے تک پہنچنے کے لیے غور کیا جاسکے-
 
سلیمان عواد کا کہنا ہے کہ وہ امریکہ، اسرائیل، فلسطینی اتھارٹی کے سربراہان، روس اور یورپی یونین کے مندوبین کو قاھرہ میں مل بیٹھنے کا موقع دینے پر غور کررہے ہیں- رپورٹ کے مطابق امریکی انتظامیہ مشرق وسطی میں کسی امن معاہدے کو اپنے نام کرنے کے ساتھ ساتھ نومبر میں ہونے والے صدارتی انتخابات میں کامیابی کے لیے ایک پتے کے طور پر استعمال کرنا چاہتے ہیں-