اسرائیلی کدیما پارٹی کی قیادت کے لیے انتخابات میں ناکامی کے بعد وزیر ٹرانسپورٹ شاؤل موفاذ نے ابھی تک سیاست سے علیحدہ ہونے یا نہ ہونے کا حتمی فیصلہ نہیں کیا-
اسرائیلی ریڈیو نے پارٹی ذرائع کے حوالے سے نقل کیا ہے کہ پارٹی انتخابات میں دوستوں کی بے وفائی سے شاؤل موفاذ بہت مایوس ہوئے ہیں تاہم انہوں نے ابھی تک فیصلہ نہیں کیا کہ وہ سیاست سے علیحدہ ہوجائیں گے یا پھر مستقبل میں پارٹی کی قیادت کے لیے دوبارہ مقابلہ کریں گے-
واضح رہے کہ ایہود اولمرٹ کے استعفی کے بعد کدیما پارٹی کی صدارت کے لیے انتخابات میں اسرائیلی وزیر خارجہ زیپی لیونی نے کامیابی حاصل کی ہے – وہ اسرائیل متوقع وزیراعظم ہیں- صدر نے انہیں حکومت تشکیل دینے کا حکم دیا ہے- دوسری جانب شاؤل موفاذ کے حامی انہیں قائم مقام وزیراعظم اور اقتصادی وزارت کا قلمدان سنبھالنے کے لیے دباؤ ڈال رہے ہیں-
