اسرائیلی وزارت خارجہ کے ذرائع نے انکشاف کیاہے کہ وزیرخارجہ زیپی لیونی نیویارک میں اقوام متحدہ کی جنرل اسمبلی کے اجلاس کے موقع پر 7عرب ممالک کے وزراء خارجہ سے ملاقات کریں گی-
جن میں قطر ‘ عمان ‘موریطانیہ ‘مراکش ‘مصر اور اردن کے وزراء خارجہ شامل ہیں- اس کے علاوہ وہ فلسطینی صدر محمود عباس سے بھی ملاقات کریں گی- ذرائع کے مطابق زیپی لیونی سعودی عرب ‘ بحرین اورمتحدہ عرب امارات کے حکومتی عہدیداران سے ملاقات کی کوشش کریں گے-
انہوں نے واضح کیا ہے کہ ابھی تک دوسری طرف سے بات طے نہیں ہوئی ہے- اسرائیلی وزیرخارجہ ان ملاقاتوں میں اسرائیل فلسطین تنازعہ کے دائمی حل کے لیے بنیادی نکات پر اتفاق رائے کے حوالے سے اپنا نقطہ ء نظر واضح کریں گی-
