امریکی جیولوجیکل سروس کے مطابق جنوبی ایران اور دبئی سمیت متحدہ امارات میں زلزلے کے شدید جھٹکے محسوس کئے گئے۔
گرینچ کے معیاری وقت کے مطابق دن گیارہ بجے آنے والےاس زلزلے کی شدت ریکٹر سکیل پر 6.1 تھی۔ امریکی زلزلہ پیما ادارے کے مطابق زلزلےکا مرکز بندرعباس کی بندرگاہ سے پچپن کلومیٹر دور بتایا جاتا ہے۔
زلزلے کے جھٹکے متحدہ عرب امارات کی ریاست دبئی میں بھی محسوس کئے گئے، جس سے لوگوں میں خوف و ہراس پھیل گیا۔ فوری طور پر کسی جانی و مالی نقصان کی اطلاع موصول نہیں ہوئی۔
