جورجیا پر حالیہ روسی حملے کے دوران اسرائیل کی جانب سے جورجیا کی حمایت پر ماسکو نے تل ابیب کو کڑی تنقید کا نشانہ بنایا ہے-
روسی وائس چیف آف آرمی سٹاف نے الزام عائد کیا کہ اسرائیل نے حالیہ جنگ کے دوران جورجیا کو اسلحہ اور خفیہ معلومات فراہم کیں -اسرائیلی اخبار’’معاریف‘‘ کی رپورٹ کے مطابق تل ابیب کی جانب سے جارجیا کی مدد پر اسرائیل اور روس کے درمیان تعلقات میں شدید کشیدگی پائی جاتی ہے-
رپورٹ کے مطابق روسی حکام کا کہنا ہے کہ ان کے پاس ایسے ٹھوس شواہد موجود ہیں جن میں اسرائیل کے اس جنگ میں روس کے خلاف اقدامات اور جاسوسی کی سہولیات فراہم کرانے کی تفصیلات موجود ہیں-
