اسرائیل فلسطینیوں کا ہو لو کاسٹ کر رہا ہے: ایمنیسٹی انٹرنیشنل

غزہ میں ایم نیسٹی انٹر نیشنل کی جانب سے جاری ایک بیان میں کہاگیا ہے کہ اسرائیل کی مسلط کردہ معاشی ناکہ بندی سے فلسطینی عوام کی زندگی عذاب بن گئی ہے- غزہ کی اسی فیصد  آبادی بیرونی امداد پر زندگی بسر کر رہی ہے، جبکہ اسرائیل نے سرحدی بند کر کے شہریوں کا  آ خری لقمہ بھی سلب کر لیا ہے –
 
بیان میں اسرائیلی ریاستی دہشت گردی پر تنقید کرتے ہوئے اسے فلسطینیوں کے خلاف اسرائیل کا ہولوکاسٹ قرار دیا ہے- بیان میں عالمی اداروں اور بڑی طاقتوں سے مطالبہ کیاگیا ہے کہ وہ بلا تاخیر غزہ کی صورت حال کی بہتری کے لیے امداد روانہ کریں اور بھیجی گئی امداد کو غزہ تک پہنچنے کو یقینی بنائیں-

اس وقت غزہ کی پٹی میں، ایندھن، بجلی، اشیائے خور دونوش اور ادویات کی شدید قلت ہے- بنیادی ضروریات کی بڑھتی ہوئی قلت نے شہریوں کی زندگی اجیرن کر رکھی ہے-