اسرائیلی خفیہ ادارے کے تین سابق سربراہان نے حکومت سے فلسطینیوں کے مطالبات کے تسلیم کرتے ہوئے قیدیوں کے تبادلے کا مطالبہ کیا ہے-
تل ابیب سے عبرانی زبان میں شائع ہونے والے اخبار معاریف کے مطابق شاباک کے سابق سربراہان عامی ایالون، یعقوب بری اور کارمی غیلون کا کہنا ہے کہ قیدیوں کے تبادلے کا اصل ہدف یرغمالی فوجی گیلاد شالیت کی زندہ رہائی ہے- سابق سربراہان کے مطابق چھوٹی عمر کے فلسطینی اسیران کی رہائی بڑی عمر کے قیدیوں کی رہائی سے زیادہ خطرناک ہے-
اخبار کے مطابق حماس گیلاد شالیت کے بدلے میں چار سو پچاس ایسے فلسطینی قیدیوں کی رہائی چاہتی ہے جو اسرائیلیوں کے قتل میں ملوث ہیں اور پانچ ایسے قیدیوں کو رہا کرانا چاہتی ہے جو کسی اسرائیلی کے قتل میں ملوث نہیں ہیں-
