ایران کو دیا گیا روسی دفاعی نظام تباہ کردیں گے: اسرائیل

اسرائیل نے روس کو دھمکی دی ہے کہ وہ ایران کو جدید ترین فضائی دفاعی نظام فروخت نہ کرے، اگر ایسا کیاگیا تو اسرائیل آگے بڑھ کر تباہ کردے گا-
 
اسرائیلی اخبار یروشلم پوسٹ کے مطابق تل ابیب نے ماسکو کو دھمکی دی ہے کہ وہ ایران کو دیئے گئے فضائی نظام پر جدید ترین ٹیکنالوجی سے حملہ کرسکتا ہے- اخبار کی رپورٹ کے مطابق حال ہی میں روس ایران کو ’’ایس 300‘‘ نامی جدید ترین فضائی دفاعی نظام فروخت کرنے کے بارے میں غور کررہا ہے-

یہ نظام ایک سو مقامات پر اپنے اہداف کو بآسانی تباہ کرسکتا ہے- اس کے علاوہ ستائیس ہزار میٹر بلندی پر موجود طیاروں کو تباہ کرسکتا ہے-