اسرائیل نے امریکہ سے مطالبہ کیا ہے کہ ایران بارے پالیسی میں نرمی نہ برتی جائے بلکہ اس کا جوہری پروگرام روکنے کے لیے اس پر اقتصادی پابندیاں مزید سخت کی جائیں-
ان خیالات کا اظہار اسرائیلی وزیر دفاع ایہود باراک نے واشنگٹن میں اپنے امریکی ہم منصب رابرٹ گیٹس سے ملاقات کے دوران کیا- انہوں نے کہا کہ ایک ایسے وقت میں جب ایران کا جوہری پروگرام خطرناک حدود میں داخل ہو چکا ہے- اس کے ساتھ نرمی برتنا اسے ڈھیل دینے کے مترادف ہے-
انہوں نے کہا کہ ایران کا طاقت کا حصول خطے میں توازن طاقت کے بگڑنے کا باعث ہے- ایران کے جوہری پروگرام سے صرف اسرائیل اور خطے کے دیگر ممالک ہی کو خطرہ نہیں بلکہ پوری دنیا کو اس کے جوہری پروگرام سے خطرہ ہے- باراک نے کہا کہ اسرائیل ایران کے خلاف سخت کارروائی کے حق میں ہے اور تہران کو کسی بھی ڈھیل دینے کے خلاف ہے-
