گیلاد کی رہائی سے قبل برغوثی کی رہائی کا امکان

اسرائیلی حکومت نے اسلامی تحریک مزاحمت (حماس) کے ساتھ قیدیوں کے تبادلے سے قبل فتح کے مرکزی اسیر راہنما مروان برغوثی کی رہائی پر غور شروع کیا ہے-
 
اسرائیلی اخبار ’’معاریف ‘‘ کی رپورٹ کے مطابق اسرائیل نے یہ فیصلہ محمود عباس اور اسرائیلی حکام کے درمیان ملاقاتوں کے بعد کیاہے- گوکہ اب اس پر حتمی رائے ظاہر نہیں کی گئی تاہم امکان ہے کہ اسرائیلی فوجی گیلاد شالیت کی بازیابی سے قبل مروان برغوثی کو رہا کردے-
 
مروان کی رہائی سے صدر محمود عباس کو تقویت حاصل ہوگی – رپورٹ کے مطابق اسرائیلی وزراء بھی اس معاملے میں غور کرکے حکومت کو اپنی  آراء سے آگاہ کریں گے –