برغوثی کی رہائی صدر عباس کے لیے خطرناک ہوگی: شاباک

اسرائیلی داخلی سلامتی کے متعلق خفیہ ادارے ’’شاباک‘‘کے سربراہ یووال ڈیسکن نے کہاہے کہ فتح کے اسیر رہنما مروان برغوثی کی رہائی صدر محمود عباس کے لیے کمزوری کا باعث ہوگی-
 
اسرائیلی کابینہ (کنیسٹ) میں تقریر کرتے ہوئے انہوں نے کہاکہ حالیہ جنگ بندی کا فائدہ اسرائیل کے بجائے حماس کو ہوا ہے اور حماس اس سے غزہ کے دور دراز علاقوں میں بھی اپنا نیٹ ورک مضبوط کررہی ہے-

یووال نے مزید کہاکہ اسرائیل کے پاس غزہ کا فوجی کنٹرول دوبارہ سنبھالنے کے سوا کوئی چارہ نہیں‘ اگر مزاحمت کاروں کو مزید موقع دیا گیا تو اسرائیل کو درپیش خطرات بڑھ سکتے ہیں-