حملہ ہواتو امریکی اڈوں اور اسرائیل کو نشانہ بنائیں گے،ایران

ایران نے امریکا کو خبردار کیا ہے کہ اگر اس نے تہران پر حملہ کیا تو اسے شدید نقصان کا سامنا کرنا پڑے گا۔ ایران کے سپریم لیڈر آیت اللہ علی خامنہ ای نے کہا ہے کہ اگر امریکا نے جارحیت کی تو ایران امریکا کے32فوجی اڈوں پر حملہ کردے گا۔ ایرانی رہنما دھمکی دیتے ہوئے مزید کہا کہ ان حملوں سے اسرائیل بھی محفوظ نہیں رہے گا۔
 
واضح رہے کہ ایٹمی تنازعے پر ایران امریکا کے تعلقات سخت کشیدہ ہیں، امریکا اور اسرائیل متعدد بار حملوں کی دھمکی دے چکے ہیں اس کے ساتھ ساتھ ایران پر اقتصادی پابندیاں بھی لگائی جاچکی ہیں۔ گذشتہ دنوں ایران نے 9 میزائلوں کے تحربات کئے تھے اور ان تجربات کو مغربی دھمکیوں کا جواب قرار دیا تھا۔