غزہ کے خلاف ناکہ بندی میں شریک مسلمان دائرہ اسلام سے خارج ہیں

جامعہ ازہر کے علماء محاذ نے غزہ کے خلاف ناکہ بندی میں شریک افراد کو مرتد قرار دیا ہے  جامعہ ازہر کے علماء محاذ نے سابق مفتی اعظم مصر شیخ عبدالمجید سلیم کے فتوی کی روشنی میں کہاہے کہ جو مسلمان فلسطینیوں کی ناکہ بندی میں شریک ہوگا وہ دائرہ اسلام سے خارج ہے – 3

جولائی 1947ء میں فتوی صادر کیاگیا تھاکہ مسلمانوں کو تکلیف پہنچانے کے لیے ذرائع تلاش کرنا اور مسلمانوں کو غیر مسلموں کی غلامی میں دینے کے لیے راستے تلاش کرنا اللہ اور اس کے رسول صلی اللہ علیہ وسلم کی حدیں توڑنے سے بھی زیادہ شر ہے – اسلام اور مسلمان ایسا کرنے والوں سے بری ہیں – جو شخص ایسا کرے گا اس کا دل ایمان سے خالی ہے –

 مصرمیں علماء محاذ کی طرف سے جاری کردہ بیان میں کہاگیا ہے کہ فلسطینیوں کے خلاف ناکہ بندی بلا جواز ہے- فلسطینی دارالکفر میں ہیں اور نہ ہی وہ ہمارے دشمن ہیں- ناکہ بندی کا کوئی شرعی‘ قانونی یاتقلیدی جواز نہیں ہے کہ سرحد پر سیکورٹی فورسز پھیلا دی جائیں‘ فلسطینیوں پر دروازے بند کئے جائیں اور ان کے ساتھ ایسا معاملہ کیا جائے جو ہم یہودیوں سے بھی نہیں کرتے – مسلمانوں کے خلاف ناکہ بندی شرعی طور پر ناجائز ہے –