گزشتہ ایک دہائی سے فلسطینی مزاحمت کاروں نے اسرائیل پر حملوں میں راکٹوں اور میزائلوں کا استعمال شروع کیا، جس سے اب تک بے پناہ جانی اور مالی نقصان ہو چکا ہے-
حال ہی میں اسرائیلی اخبار’’یدیعوت احرونوت‘‘ نے 2001 ء سے2007 ء تک مجاہدین کے راکٹ حملوں کی تفصیلات جاری کی ہیں- رپورٹ کے مطابق گزشتہ چھ برسوں میں مجاہدین نے 77151 القسام اور ناصر راکٹ فائر کیے جبکہ2743 ہاون میزائل استعمال کیے جن سے تئیس یہودی آباد کار ہلاک اور ایک ہزار سے زائد زخمی ہوئے-
رپورٹ کے مطابق یومیہ سات راکٹ فائر کیے جاتے رہے جس سے غزہ کے نواح میں موجود یہودی کالونیوں کا انفراسٹرکچر تباہ ہو کر رہ گیا- رپورٹ میں کہاگیا ہے مجاہدین اب ’’گراڈ‘‘ نامی میزائل استعمال کر رہے ہیں جس کی رینج بیس کلو میٹر سے زیادہ ہے- مزاحمت کاروں کے مسلسل راکٹوں کے استعمال سے دو لاکھ یہودی آبادکاروں کی زندگی خطرے سے دو چار ہے- اگر حکومت نے غزہ کے نواح میں موجود کالونیوں میں یہودی آبادکاروں کا تحفظ نہ کیا تو حالات خطرناک صورت اختیار کر سکتے ہیں-
