تحریک انتفاضہ دوئم کے بعد سے اسرائیلی فوج مزاحمت کے خاتمے میں مصروف ہے- جس کے باعث اس کی روایتی فوجی مشقیں متاثر ہوئی ہیں- لبنان جنگ میں اسرائیلی فوج کی کارکردگی مؤثر کن نہ ہونے کی وجہ روایتی مشقیں نہ کرنا ہے-
تل ابیب سے عبرانی زبان میں شائع ہونے والے اخبار ’’ہارٹز‘‘ کے فوجی نامہ نگار عاموس ھارئیل نے کہا ہے کہ انتفاضہ دوئم کے بعد اسرائیلی افواج مزاحمت کاروں کو کچلنے کی کارروائیوں میں مصروف ہے- 2002ء سے 2007ء تک پانچ سالوں میں چار سو پچاس مزاحمت کاروں کو ہلاک کیا گیا ہے-
لیکن مزاحمت کے خلاف مصروفیت نے فوج کو دوسری جنگی ذمہ داریوں سے دور کردیا ہے- البتہ اسرائیلی افواج چیف آف آرمی سٹاف جنرل اشکنازی کی قیادت میں فوجی مشقوں اور روایتی ٹریننگ کے لیے دوبارہ تیاری کررہی ہے-
