آئندہ دو ہفتوں تک حماس سے مذاکرات جاری رہیں گے

اسرائیلی فوجی اور دفاعی ذرائع نے مستقبل قریب میں غزہ پر حملے کے امکان کو مسترد کردیا ہے- عبرانی اخبار ’’ہارٹز‘‘ نے فوجی ذرائع کے حوالے سے نقل کیا ہے کہ غزہ میں جنگ بندی کے لیے اسلامی تحریک مزاحمت حماس سے آئندہ دو ہفتے تک مذاکرات جاری رہیں گے-
 
اس کے بعد حماس کے خلاف کسی قسم کی کارروائی کا حکومت کوئی فیصلہ کرے گی- اسرائیلی افواج نے ابھی تک غزہ کی سرحد پر فوج میں اضافہ نہیں کیا- اسرائیلی فوجی قیادت کے مطابق اگر ان دو ہفتوں میں کوئی بات طے نہ پائی تو وزیر دفاع ایہود باراک غزہ کے خلاف جنگ مسلط کرنے کی طرف زیادہ مائل ہیں-