بحرمتوسطہ کی عرب ریاستوں کے رہنماؤں کا اجلاس سترہ جون کو لیبیا کے دارالحکومت طرابلس میں ہو رہا ہے جس میں اگلے ماہ بحر متوسطہ کے ملکوں کی یونین کے قیام کے حوالے سے امور کو حتمی شکل دی جائے گی-
لیبیا کے حکام کے مطابق شام کے صدر بشارالاسد بھی اس منی سربراہ اجلاس میں شرکت کریں گے، جس میں نئی یونین میں اسرائیل کے کردار کے حوالے سے غور کیا جائے گا-بعض عرب ریاستیں اسرائیل کے ساتھ یونین میں شمولیت کے حوالے سے تحفظات کا اظہار کر رہی ہیں-
ایک عرب سفارتکار کا کہنا ہے کہ ان ریاستوں کو خدشہ ہے کہ اسرائیل فلسطینیوں اور شام کو امن مذاکرات میں چند رعایتیں دئیے بغیر ہی یونین میں شامل ہو جائے گا- بحر متوسطہ کی عرب ریاستوں کے قیام کی تجویز فرانس نے پیش کی تھی جس کا مقصد یورپی یونین کے جنوبی ہمسایہ ممالک کے ساتھ تعلقات کو فروغ دینا اورتجارت اور سکیورٹی کے شعبے میں باہمی تعاون بڑھانا ہے-
