اسرائیل کا عرب ممالک سے حماس حکومت ختم کرانے کا مطالبہ

اسرائیلی نائب وزیر اعظم حاتیم رامون نے عرب ممالک سے مطالبہ کیا ہے کہ وہ غزہ میں قائم اسلامی تحریک مزاحمت (حماس) کی حکومت ختم کردیں-
 
القدس میں ہسپانوی وزیر خارجہ میگل مورائینوس سے ملاقات کے بعد صحافیوں سے بات چیت کرتے ہوئے انہوں نے کہا کہ عرب ممالک میں اعتدال طاقتوں کو حماس کا غزہ میں تسلط ختم کرانا چاہیے- اس ضمن میں مصر اور اردن اس میں اہم کردار ادا کرسکتے ہیں-
 
انہوں نے کہا کہ حماس کا غزہ میں برسر اقتدار رہنا اسرائیل کے لیے بڑا چیلنج ہے- اس چیلنج کے خاتمے کے لیے اسرائیل کو تمام محاذوں پر کام کرنا ہوگا- اس سلسلے میں عرب ممالک کا تعاون بھی ناگزیر ہے-