اسرائیلی وزیر مواصلات شائول موفاز نے حکومت سے مطالبہ کیا ہے کہ فوج کے ذریعے یکبارگی غزہ پر حملہ کر کے اسلامی تحریک مزاحمت (حماس) کا تختہ الٹ دیا جائے-
انہوں نے کہا کہ اسرائیلی محکمہ دفاع حماس کے خلاف فیصلہ کن کارروائی کا پابند ہے اور اس ضمن میں اسے جلد از جلد ٹائم ٹیبل ترتیب دے کر اپنے ہدف کے لیے آگے بڑھنا چاہیے- موفاز نے کہا کہ اسرائیل کا تحفظ حماس کے خلاف فیصلہ کن حملے میں مضمر ہے-
حماس کی قیادت کو ٹارگٹ کلنگ کر کے اس کا صفایا کردیا جائے اور اس کے بعد اس کے تمام انفراسٹرکچر کو تباہ کر کے غزہ کا کنٹرول فتح کے حوالے کیا جائے-
