مسئلہ فلسطین اور کوسوو کی صورتحال سے میں کوئی مشابہت نہیں

امریکی حکومت نے ایک سینئر فلسطینی عہدیدار کی جانب سے کوسوو جیسے اعلان آزادی کے مطالبے کو مسترد کرتے ہوئے کہا ہے کہ فلسطینی صورتحال کوسوو سے مشابہت نہیں رکھتی۔
امریکی محکمہ خارجہ کے ترجمان سین میک کارمیک نے یہاں ایک بیان میں کہا کہ کوسوو میں مختلف قسم کی صورتحال تھی اور دنیا کے کسی دوسرے خطے کی صورتحال کیلئے یہ مثال کا درجہ نہیں رکھتی۔ قبل ازیں ایک سینئر فلسطینی مذاکرات کار نے کہا تھا کہ کوسوو کی طرح فلسطین کے لوگوں کو بھی آزادی کا اعلان کرنے کا حق ہے کیونکہ کوسوو کا مسئلہ 1999ء میں پیدا ہوا جبکہ فلسطینی 1948ء سے اسرائیل کے ناجائز قبضے کا شکار ہیں۔