بش کا دورہ فلسطین ،حماس کے کارکنان کی گرفتاریاں

امریکی صدر جارج بش کے دورہ سے قبل فلسطینی اتھارٹی نے وسیع پیمانے پر اسلامی تحریک مزاحمت (حماس) کے کارکنان کو گرفتار کرنے کی کارروائیاں شروع کردی ہیں – ذرائع کے مطابق فلسطینی اتھارٹی کی جیلیں مزید قیدیوں کو رکھنے کے لئے کم پڑ گئی ہیں –
حماس کے ایک کارکن کا کہناہے کہ صدر محمود عباس کو براہ راست جوابدہ سیکورٹی فورسز نے اسے گرفتار کیا لیکن رش کے باعث یہ کہہ کر چھوڑ دیا کہ ایک ہفتے کے بعد رپورٹ کرو- ذرائع کے مطابق روزانہ حماس کے بیسیوں کارکنوں کو گرفتار کیا جا رہاہے – گرفتاریوں کا مقصد قیام امن کے منصوبے نقشہ راہ کی پہلی شق پر عمل کی کوشش ہے جو مزاحمت کے خاتمے پر مشتمل ہے –