مزاحمت کے خاتمے کے لئے ھنیہ کو راستے سے ہٹانا ضروری ہے

ریزرو اسرائیلی افواج کے کمانڈر جنرل دانی روچیلڈ نے غزہ میں اسلامی تحریک مزاحمت (حماس) کے نگران وزیر اعظم اسماعیل ھنیہ کے قتل کو ضروری قرار دیا ہے-
انہوں نے فوجی ریڈیو سے انٹرویو میں کہا کہ اسرائیلی ٹھکانوں کے خلاف میزائل حملوں کو روکنے کے لیے اسماعیل ھنیہ کو قتل کیا جانا ضروری ہے- میزائل حملہ کرنے والوں کو ہی صرف نشانہ بنانا کافی نہیں ہے بلکہ فیصلہ سازوں کا صفایا کیا جائے- ہمیں چاہیے کہ فلسطینی تنظیموں کی قیادت کو ایک کمرے میں دو راتیں مسلسل سونے کی اجازت نہ دیں- دوسری جانب دانی روچیلڈ نے مطلوبہ نتائج کی ضمانت کے بغیر غزہ کے خلاف آپریشن کی مخالفت کی ہے-