اسرائیلی فوج کا مصر کی سرحد پر حفاظتی باڑ قائم کرنے کا مطالبہ

اسرائیلی فوج میں جنوبی علاقے کے کمانڈر جنرل یواف غلانت نے اسرائیل اور مصر کی سرحد پر حفاظتی باڑ قائم کرنے کا مطالبہ کردیا- انہوں نے کہا اسلحہ اور جنگی وسائل کی سمگلنگ اور غزہ کی پٹی سے اسرائیلی فوجی ٹھکانوں کے خلاف کارروائیاں ختم نہیں ہوسکتی جب تک کے اسرائیل اور مصر کے درمیان حفاظتی باڑ قائم نہیں کردی جاتی-
ان خیالات کا اظہار جنرل یواف غلانت نے مصر کے سرحدی علاقے کے دورے پر کیا- حالیہ دنوں میں انہوں نے اسرائیلی صدر شمعون پیریز کے ہمراہ مصر سے ملنے والے سرحدی علاقے کا دورہ کیا- اس موقع پر سرحدی علاقے کے کمانڈر بریگیڈئیر یوئیل تریک نے کہا ہے کہ غزہ کی پٹی پر اسلامی تحریک مزاحمت کے مکمل کنٹرول کے بعد اسرائیلی فوجی ٹھکانوں پر حملوں میں اضافہ ہوا ہے-