غزہ کے انسانی المیے پر عرب لیگ کا اظہار تشویش

غرب اردن اور غزہ کی پٹی پر اسرائیلی فوج کے بڑھتے ہوئے حملوں پر عرب لیگ نے گہری تشویش کا اظہار کیا ہے- عرب لیگ کے سربراہ عمر موسی نے ایک بیان میں کہا ہے کہ اسرائیل کی جارحانہ پالیسیاں قیام امن کی راہ میں رکاوٹ ہیں-
 اسرائیل فلسطینی عوام کے بنیادی حقوق کو پامال کر کے خطے میں امن کی امید رکھتا ہے- انہوں نے مطالبہ کیا کہ اسرائیل فوج کشی کا سلسلہ ختم کرے اور غزہ سے پابندیاں اٹھائے- اگر ایسا نہ کیا گیا تو خطے میں بڑا انسانی بحران پیدا ہوسکتا ہے-
عرب لیگ کے سیکرٹری جنرل نے اقوام متحدہ یورپی یونین روس اور امریکہ پر مشتمل چار رکن سربراہی کمیٹی سمیت عالمی برادری سے بھی فلسطینی عوام کی بہبود کے لیے ٹھوس اقدامات اٹھانے کا بھی مطالبہ کیا-