تورات کی تعلیم کے بہانے اسرائیلی نوجوانوں کا لازمی فوجی سروس سے فرار

اسرائیلی فوج میں افرادی قوت کے کمانڈر جنرل العبزیرشطرین نے حکومت کو متنبہ کیا ہے کہ اسرائیلی فوجیوں میں فوج سے بھاگنے کے رجحان میں اضافہ ہو رہاہے –
انہوں نے کہاکہ لازمی فوجی سروس سے راہ فرار اختیار کرنے والوں کی تعداد میں بتدریج اضافہ ہو تاجا رہاہے – فوج سے بھاگنے کا رجحان مذہبی نوجوانوں اور صہیونی جماعتوں کے کارکنان تک پہنچ چکاہے- مذہبی نوجوان تورات کی تعلیم کے حصول کا بہانہ بنا کر لازمی فوجی سروس سے راہ فرار اختیار کرتے ہیں- اسرائیلی فوج میں ’’ہناحل ‘‘کے نام سے باقاعدہ بریگیڈ ہے جو مذہبی یہودی نوجوانوں پر مشتمل ہے –