عباس ملیشیا نے حماس کے سات اراکین گرفتار کرلیے

فلسطینی صدر محمود عباس کے زیر کمانڈ سیکورٹی فورسز کی جانب سے اسلامی تحریک مزاحمت (حماس) کے خلاف کریک ڈائون کا سلسلہ بدستور جاری ہے- تفصیلات کے مطابق غرب اردن کے مختلف شہروں میں عباس ملیشیا نے اسرائیلی فوج کے تعاون سے حماس کے ٹھکانوں پر چھاپے مارے-
 گھروں میں چھاپہ مار کارروائیوں میں بچوں اور خواتین کو بھی زدوکوب  کیا گیا- اس دوران عباس ملیشیا کے حماس کے سات اراکین کو گرفتار کرلیا- گرفتار ہونے والوں میں دو کو حال ہی میں فلسطینی اتھارٹی کی جیلوں سے رہائی ملی تھی- رام اللہ میں ایک چھاپے کے دوران حماس کے رکن بلدیہ کو گرفتار کر کے بدترین تشدد کا نشانہ بنایا گیا-