فلسطینی پولیس کی جرمن ٹیلی ویژن کے اہلکاروں پر حملے کی تردید

فلسطینی وزارت داخلہ کے ما تحت پولیس نے جرمن ٹیلی ویژن کے عملے پر نامعلوم افراد کے حملے کی خبروں کو بے بنیاد قرار دیا ہے- تفصیلات کے مطابق پولیس ترجمان نے کہا کہ ایک خبررساں ادارے’’معا‘‘ کی جانب سے جرمنی ٹی وی کے نمائندوں سواح ابو یوسف اور زکریا التمسکی گرفتاری یاان پر دستی بموں سے حملوں کی خبروں حماس کے خلاف جاری پروپیگنڈے کا حصہ ہیں جن میں کوئی صداقت نہیں –
 ترجمان نے کہا کہ حکومت کا جرمن ٹی وی کے نمائندوں سے مسلسل رابطہ ہے، اور اس طرح کی بے بنیاد خبروں کے پس پردہ فتح کے شرپسند عناصر کا ہاتھ ہے وہ فلسطینی حکومت اور حماس کو بدنام کرنے کے لیے من گھڑت خبریں جاری کر رہے ہیں- انہوں نے خبر رساں ادارے کو متنبہ کرتے ہوئے کہا کہ وہ حساس خبروں کی اشاعت سے قبل ان کی تصدیق کر لیا کریں-