فلسطینی قانون ساز کونسل کے رکن جمال الحذری نے اسرائیلی حکومت کی جانب سے غزہ کی پٹی میں توانائی کی فراہمی محدود کرنے اور برقی رو معطل کرنے کی شدید مذمت کی ہے اور اسے فلسطینیوں کو اجتماعی سزا دینے کے مترادف قرار دیا ہے کیونکہ یہ انسانوں کو بنیادی انسانی حقوق سے محروم کرنے کے مترادف ہے –
اپنے ایک بیان میں جمال الحذری نے جو نئی تشکیل شدہ پابندی مخالف کمیٹی کے چیئرمین بھی ہیں نے کہاہے کہ ان پابندیوں سے فلسطینی عوام کی مشکلات میں اضافہ ہوگا اور اس کے تمام اطراف میں منفی اثرات مرتب ہوں گے –
قانون ساز کونسل کے آزاد رکن نے کہاہے کہ غزہ کی پٹی پر پابندیوں میں اضافہ کرنے سے علاقے میں امن وامان پیدا نہیں ہوگا بلکہ اس میں مزید پیچیدگیاں آ جائیں گی- الحذری نے عالمی برادری اور عالمی تنظیموں سے اپیل کی ہے کہ وہ اسرائیل پر دبائو ڈالیں تاکہ اسرائیل کے غیر اخلاقی اقدامات کا خاتمہ ہوسکے، انہوں نے عالم عرب اور مسلم دنیا سے بھی اپیل کی ہے کہ وہ فلسطینیوں کی جدوجہد کے ساتھ تعاون کریں – انہوں نے ذرائع ابلاغ سے بھی اپیل کی کہ غزہ کی پٹی پر اقتصادی پابندی لگنے کے بعد جو حالات فلسطینیوں کو درپیش ہیں ان کو نمایاں کریں-
