شام پر حملہ: اسرائیل نے ترکی سے معافی مانگ لی

اسرائیلی وزیر اعظم ایہود اولمرٹ نے شام پر حملے کے دوران ترکی کی فضاء کو استعمال کرنے پر ہمسایہ ملک ترکی سے معافی مانگ لی- تفصیلات کے مطابق کابینہ کے ہفتہ وار اجلاس سے خطاب کرتے ہوئے اولمرٹ نے کہا کہ شام پر حملے کے دوران ترکی کی فضائی حدود استعمال کرنے پر وہ ترکی سے معذرت خواہ ہیں اور ترکی کے خدشات کو سنجیدگی سے لے رہے ہیں-
 دوسری جانب اسرائیلی وزیر اعظم نے اپنے ترک ہم منصب رجب طیب اردگان سے بھی ملاقات کی اور شام پر حملے کے دوران ترکی کی فضائی حدود استعمال کرنے پر ان سے معافی مانگی- دریں اثناء اسرائیلی ٹی وی کے مطابق ترک وزیر اعظم نے اسرائیل سے ترکی کی فضائی حدود استعمال کرنے پر جواب طلب کیا-