اسرائیل سے سکونت ترک کرنے والے یہودیوں کی دوبارہ آبادی کاری کا منصوبہ

اسرائیل میں سکونت ترک کرنے والوں کو صہیونی ریاست میں دوبارہ پرواپسی آمادہ کرنے کے لیے حکومت نے امدادی پیکج تیار کیا ہے- واپس آنے والے خاندان کو بیس ہزار ڈالر ز دیئے جائیں گے-
 سرکاری اعداد و شمار سے ظاہر ہوتا ہے کہ گزشتہ چند برسوں میں ساڑھے سات لاکھ افراد اسرائیل چھوڑ کر چلے گئے ہیں- امدادی پیکج کے تحت صہیونی حکومت آئندہ سال اسرائیل آنے والے ہر خاندان کو ہیلتھ انشورنس مہیا کرے گی- اسرائیل پہنچتے ہی وہ خاندان علاج معالجے کے حوالے سے انشورڈ ہو جائے گا-
 واضح رہے کہ موجودہ قانون کے مطابق صحت کی انشورنس کے لیے ہر خاندان کو تین ہزار آٹھ سو امریکی ڈالر بطور پریمیم ادا کرنا پڑتے ہیں -پریمیم ادائیگی کے چھ ماہ کے بعد انشورنس ملتی ہے- امدادی پیکج میں ٹیکس معافی سمیت متعدد سہولتیں شامل ہیں- حکومت اسرائیل واپس آنے والوں کے لیے ملازمت تلاش کرنے میں بھی مدد دے گی-