مالی بدعنوانیوں پر اسرائیلی وزیر اعظم کو تفتیش کا سامنا

اسرائیلی پولیس نے وزیر اعظم ایہود اولمرٹ سے ان کی مالی خرد برد کے حوالے سے تفتیش شروع کرنے کا فیصلہ کیا ہے- اسرائیلی ریڈیو کے مطابق وزیر اعظم اولمرٹ پر بدعنوانی کے تین مقدمات ہیں اور آئندہ دو ایام میں اسرائیل کی اسپیشل پولیس وزیر اعظم سے ان کی سرکاری رہائش گاہ پر تفتیش کرے گی-
 ریڈیو رپورٹ کے مطابق اولمرٹ پر تل ابیب کے متعدد بنکوں کے خرید و فروخت اور اپنے منظور نظر افراد کو نوازنے کا الزام ہے- اسرائیلی وزیر اعظم نے گزشتہ برسوں کے دوران اپنے سیاسی اثر و رسوخ کے استعمال کو بروئے کار لاتے ہوئے ’’یوومی بنک‘‘ کے شیئرز فروخت کردیئے تھے- اس سودے میں اولمرٹ نے اپنے دو دوستوں ڈانیل ایراس اور فرانک لوئی کو بھی نوازا تھا-