اقوام متحدہ کے ادارہ براے بنیادی حقوق نے اسرائیل کی جانب سے غزہ کی بجلی اور ایندھن روکنے کے فیصلے پر سخت تشویش کا اظہار کیا ہے- جنیوا میں اقوام متحدہ کے ایک اجلاس میں حقوق انسانی کی سربراہ لویز اربورا نے کہا کہ اسرائیل کی جانب سے غزہ کو دشمن ریاست قرار دینے کا فیصلہ ناپسندیدہ عمل ہے- اسرائیل کو ایسے کسی بھی اقدام سے باز رہنا چاہیے جس سے فلسطین میں مزید کسی انسانی المیے کا باعث بن سکتے ہو-
اربون نے کہا کہ اگر اسرائیل نے غزہ کا ایندھن اور بجلی بند کردی تو یہ اقدام انسانی حقوق کے عالمی مسلمہ اصولوں کی خلاف ورزی ہوگی اور اسے فلسطینی عوام کے خلاف ایک اجتماعی سزا تصور کیا جائے گا- دوسری جانب حقوق انسانی کے عالمی ادارے ’’ریڈ کراس‘‘ کے ڈائریکٹر جنرل اینگلو گناڈبگیلر نے بھی اسرائیلی بیان پر سخت تشویش کا اظہار کرتے ہوئے کہا ہے کہ گزشتہ تین ماہ سے انتہائی خراب ہے- مزید بجلی اور ایندذھن بند کرنے سے قحط کی صورت اختیار کرسکتا ہے- انہوں نے بھی اسرائیل سے غزہ کی بجلی اور ایندھن بند کرنے سے باز رہنے کا مطالبہ کیا-
