عوامی محاذ برائے آزادی فلسطین کی مرکزی کمیٹی کے رکن جمیل مزہر نے فلسطینی صدر محمود عباس سے مطالبہ کیا ہے کہ وہ اسرائیل سے کسی بھی قسم کا معاہدہ نہ کریں- انہوں نے اخباری بیان میں کہا کہ اسرائیل سے معاہدہ کرنا فضول ہے- وہ جھوٹے وعدہ کرتاہے اور فلسطینیوں کے حقوق پر یقین نہیں رکھتا-
جمیل مزہر نے اسرائیلی میڈیا میں عارضی فلسطینی ریاست کے قیام اور مہاجرین کو غزہ کی پٹی اور مغربی کنارے میں آباد کئے جانے کی پیشکشوں کو مسترد کرتے ہوئے کہا کہ کسی فلسطینی کے لئے اس طرح کی تجویز کو قبول کرنا ناممکن ہے – جمیل مزہر نے پی ایل او کی جمہوری، سیاسی اور متناسب نمائندگی کی بنیادوں پر تنظیم نوکرنے پر زور دیا- تمام سیاسی طاقتوں کو چاہیے کہ وہ پی ایل کو تنظیم نو کے لئے فلسطینی صدر محمود عباس پر دباؤ ڈالیں- عوامی محاذ تمام فلسطینی گروپوں کو ایک میز پر اکٹھا کرنے کے لئے کوشاں ہے-
