فلسطین میں انسانی حقوق کے لیے کام کرنے والے ادارے مرکز برائے انسانی حقوق کی جانب سے جاری رپورٹ میں انکشاف کیا گیا ہے کہ سلفیت میں چند روز قبل ایک بس کے نیچے آکر شہید ہونے والے فلسطینی بچے کو ڈرائیور نے قصداً قتل کیا ہے- رپورٹ کے مطابق اب تک کی تفتیش کے نتائج کے مطابق یہودی ڈرائیور نے چودہ سالہ محمد ابو یعقوب کو قصداً شہید کرنے کا اعتراف کرلیا ہے-
رپورٹ کے مطابق اسرائیلی پولیس نے فوری طور پر ڈرائیور سے تحقیقات شروع کیں لیکن ڈرائیور نے اسے بچے کی غلطی قرار دیا جبکہ پولیس نے تفتیش کا سلسلہ جاری رکھا- بعد میں ڈرائیور نے بچے کو قصداً بس کے نیچے کچل دینے کا اعتراف کرلیا-
