نابلس میں محمود عباس کی سیکورٹی ملیشیا نے گھروں اور مساجد کی تلاشی لینے اور حماس کے کارکنوں کو مغربی کنارے سے گرفتار کرنے کا سلسلہ جاری رکھا ہوا ہے-
نابلس میں پچاس سالہ محمد کرامہ جو ہیڈ ماسٹر ہیں کو فلسطینی اتھارٹی کی سیکورٹی ملیشیا نے دوسری بار گرفتار کیا- انہیں چند روز قبل بھی گرفتار کیا گیا تھا- انہیں اس وقت رہا کیا گیا جب انہوں نے اپنی ملازمت سے استعفی تحریر کیا اور نابلس کی جنید جیل میں ان کے جو قانونی حقوق حاصل ہیں ان سے بھی دستبرداری کا اعلان کیا- نابلس میں حماس کے ایک اور کارکن پر بھی حملہ کیا گیا- رام اللہ میں اقصی ٹی وی کے ساتھ کام کرنے والے ایک صحافی کو اس وقت اغواء کرلیا گیا جب وہ فلسطینی اتھارٹی کے سیکورٹی کے افسر کے انٹرویو میں شرکت کے بعد واپس آرہا تھا-
محمود عباس کی سیکورٹی ملیشیا نے حمزہ بن عبد المطلب مسجد کا محاصرہ کیا اور مسجد کے اندر سے کاغذات اٹھا کر لے گئے- علاوہ ازیں محمود عباس ملیشیا کی قید میں موجود انجینئر مہدی مداد کو نابلس کے نیشنل ہسپتال منتقل کردیا گیا-
