اسلامی تحریک مزاحمت (حماس) کے عسکری بازو ’’القسام بریگیڈ‘‘ نے غزہ کے شمال میں واقع اسرائیلی کیمپ پر راکٹوں سے حملہ کیا- القسام بریگیڈ کی جانب سے جاری ایک بیان میں کیمپ پر حملے میں کئی فوجیوں کو ہلاک اور زخمی کرنے کا دعوی کیا ہے- بیان کے مطابق مجاہدین کے حملے میں 80 ملی میٹر کے دھانے والی توپ استعمال کی گئی- بیان میں کہا گیا ہے کہ حملہ اسرائیلی فوج کی ریاستی دہشت گردی کے جواب میں کیا گیا- واضح رہے کہ اسرائیلی فوج آئے روز غزہ اور غرب اردن میں دراندازیوں کا سلسلہ جاری رکھے ہوئے ہے-
