فلسطینی صدر محمود عباس کے زیر کمانڈ سیکورٹی فورسز نے غرب اردن کے شہر نابلس میں ایک رفاہی ادارے پر حملہ کر کے اس کے دفتر کی توڑ پھوڑ کی- تفصیلات کے مطابق نابلس میں شارع سفیان پر واقع دفتر پر دوپہر کو اس وقت چھاپہ مارا گیا جب تنظیم کا سارا عملہ دفتر میں موجود تھا- سیکورٹی اہلکاروں نے حملے کے دوران قیمتی سامان قبضے میں لینے کے بعد ناظم دفتر سمیت تین افراد کو گرفتار کرلیا- دوسری جانب خیراتی ادارے کے عملے کے ایک اہلکار نے واقع کی شدید مذمت کرتے ہوئے گرفتار شدگان کی فوری رہائی کا مطالبہ کیا-
